السلام نتمنى تكونوا بخير ونتمنى تكونوا في احسن الأحوال فهاد المقال هادا غادي نتطرق لشرح إحياء النموذج يعني فمادة اللغة العربية تجربة احياء النموذج.
إحياء النموذج تاريخ و سبب التسمية
غادي نبداو القصة من لول حتى نوصلو لهاد الجملة او الكلمة ديال احياء النموذج فكانو عندنا تلاتة د العصور ديال الإزدهار لي هوما العصر الجاهلي، العصر الأموي، والعصر العباسي، العصر الجاهلي سميناه الجاهلي لانه كان مزال ما وصل الاسلام، أو عدنا الاموي نسبة لبني امية، والعباسي يعني الدولة العباسية، فبالنسبة لهاد تلاتة د العصور كان كيتميز فيهم الشعر بالازدهار, عليها سميناهوم عصور الازدهار حيت كان الشعر في القمة ديال الازدهار ديالو وكانوا فداك الوقيتة شعراء كبار لي كيكتبو الشعر بواحد الفصاحة او بواحد الطريقة واعرة و راقية بزاف، من لخر فديك الوقيتة هاديك الشعر كان فالقمة ديال الازدهار ديالو هادي هي النقطة لي خاصكوم تفهمو، حتال العصر العباسي وبالضبط سنة 656 هجرية. غيوقع لنا واحد الإشكال, هنايا غادي ندوزو من مرحلة الازدهار الى مرحلة الموت او مرحلة الانحطاط، الشعر غيدوز من مرحلة الازدهار الى مرحلة الانحطاط و السبب هو هجوم المغول على بغداد او هنا غيهجم المغول على بغداد يعني على الدولة العباسية فبالتالي غيسقط الشعر، أي أن واحد الدولة كانت متميزة بالشعر وصل للقمة ديال الازدهار ديالو فواحد الوقيتة غيدخل المستعمر او غيهجم على بغداد فبالتالي غيدوز من مرحلة الازدهار الى مرحلة الموت او الانحطاط صافي فهمتو معايا المشكل، يعني مين هجم المغول على بغداد (عاصمة الدولة العباسية) الشعر ديالها غيعرف واحد الانحطاط. هنا غنقولو شحال المدة ديال الانحطاط ديال الشعر؟ الجواب هو ستة ديال القرون يعني من 656 هجرية حتى القرن 13 أي من القرن السابع تال القرن 13 هجري (19 ميلادي) فبالتالي هنايا ستة د القرون والشعر منحط, غتقولي بغيت نفهم هاد القضية ديال منحط واش مكانوش كيكتبو الشعر، لا كانوا كيكتبوا الشعر ولكن ماشي بنفس داك الفخامة او الطريقة اللي كان كيتكتب فيها فعصور الازدهار، منين بقات ستة ديال القرون حتى للقرن 19 ميلادي اي القرن 13 هجري, فالقرن 19 هنايا غا يتم احياء الشعر، دابا فهاد النقطة ركز معايا مزيان هنايا غيتحيا الشعر، شناهوما الأسباب اللي خلا الشعر انه يدوز لمرحلة الإحياء اي انه كان في قمة الإزدهار، شوية مات الشعر للإنحطاط، شوية غايدوزوا للإحياء غايعاود احياء الشعر من جديد فمصر.
هجوم نابليون على مصر
عدنا منين هجم على مصر غيدخل ثقافة اجنبية يعني احتكاك بالتقافة الاجنبية فبالتالي تما غادي تظهر حركات سلفية التي تدعو الى الاقتداء بالسلف الصالح يعني هاد الحركات السلفية كتقولك خصنا نرجعو للأصل خصنا نرجعو القصيدة التقليدية فبالتالي هنايا المفكر العربي بصفة عامة او المثقف العربي بصفة عامة بحال الا وقعات لو واحد الهوة ما بين الثقافة الغربية والثقافة العربية، هنا كيسول علاش هوما متقدمين؟ علاش هوما واصلين فالاداب لهاد الدرجة؟ او علاش حنا ماواصلينش بحالهوم، زيد عليها الى كنتو قريتو القصة على نابليون غاتكونو عرفتوه بأنه كان كمكتبة متنقلة يعني عندو مجموعة ديال الكتب فبالتالي ملي يدخلو لمصر وانهزم فواحد المعركة فبالتالي تما العلم توزع، فبالتالي من بين الاسباب لي خلات انه تنوض هاد الحركة هادي وتنادي الرجوع الى القصيدة القديمة واحيائها واحياء التراث القديم هو هاد السبب يعني بالنسبة ليا انا الرئيسي وكاين اسباب وحدا اخرا ثانوية من بينها ظهور فداك الوقيتة فالقرن 19 بانت الطباعة فبالتالي يعني ملي غانحييو حنا الشعر اللي كان مزداهر فالعصر العباسي، غادي تجينا ساهلة نطبعوا بالزاف وبالتالي غادي ينتشر وهاكا غاتنوضعها يعني احياء ملي كانقصدوا بها احياء النموذج يعني احياء الشعر يعني الشعر اللي كان ميت فعصور الازدهار غايتم الاحياء فبالتالي غادي ندوزو من مرحلة الانحطاط اي ان هاد حركة احياء النموذج ازالت الغبار او نفضت الغبار على عصور الانحطاط يعني الشعر لي كان يعني كيما كنقولو فداك القيمة د الازدهار ديالو في العصر العباسي فحاولو انهم يديرولو احياء عليها كنسميوها حنايا حركة البعث والاحياء [...]
[continues]:
بعتناها يعني من الموت فبالتالي يعني الى سمعت احياء النموذج او البعث والاحياء اه او احياء الشعر او القدماء فهمتي هادشي كامل كيدل على هاد الحركة ديال احياء النموذج لانهم حياونا الشعر اللي كان اه فالعصر العباسي يعني فالعصور ازدهار صافي متفقين دابا فهمتو واتضحت النقطة الفكرة ديال ما معنى احياء نموذج? لكن غادي تسولني غتقول ليا استاذ دابا فهمت شنو القصة ديال احياء النموذجية يعني انا ملي كيجي شي واحد ويقول ليا احياء النموذج كنفهمو لكن باش كتميز هاد الحركة ديال احياء النموذج ولكن هاد الشعر هادا عندو خصائص ديالو شناهو الخصائص ديالو? هو انه الشعر كيتكتب بنظام الشطرين شنو معنى نظام الشطرين? نعطيوكم هنايا بحال مثلا هنايا فالكتاب ديال هادشي الحادث هانتوما نظام الشطرين ها الشطر الأول ها الشطر الثاني حاول انني نشوف شي اه شي هنايا باش تفهموني كتر ها هو هانتوما نظام الشطرين الشطر الأول الشطر الثاني وقافية موحدة قافية كاملة غادا قافية موحدة هانتوما الهزل الدول الأزل مثل الكلال وهادا كاملة قافية موحدة وروي موحد الحرف الأخير من حروف المد فبالتالي هادو هما يعني الى سولتك انا ولا سولك اي واحد وجا يقولك شناهوما الخصائص ديال حركة احياء النموذج او تجربة احياء نموذج غتقولو اول حاجة عندهم نظام شطرين قافية موحدة وروي موحد هادي هي النقطة اللولانية النقطة المواضيع اللي كانوا كيهضرو عليها هاد تجربة احياء النموذج هي مواضيع تقليدية بحالاش? بحالاش? الوصف كيوصفو شي واحد المدح كيمدحو الغزل كيتغزلو بالأنتى بالمحافل د الأنثى عدنا الهجاء نقدرو نقولك واش الشاب عندنا الرفاء التغني بخصال ميت? يعني هادو كاملين كانوا كيتفرقو ليهم اه تجربة احياء النموذج او اه الاحيائيين وقفنا حداد فمساء من بين اه من بين الحوايج من الخصائص ديال الاحياء النموذج هو انهم اللغة عندهم كانت لغة صعبة فبالتالي القدماء كانت عندهم لغة صعبة لغة فيها الفصاحة ش صفاحة يعني حنايا ملي كنمشيو نقاولو دابا الهضرة لي كنهدرو بيها هي لغة الحديث اليومي حنايا يعني لغة عربية عادية فبالتالي نفهموها لكن اللغة اللغة لي كانت مستعملة في احيانا وهي واحد اللغة صعبة يعني كتميز بالفصاحة والجزالة من بين اا سميتو اا يعني هادو هوما الخصائص وعندها رواد بطبيعة الحال ديال هاد احياء النموذج فبالتالي شنو خاصك تعرف نتايا فهاد الحركة ديال احياء النموذج خاصك تعرف بأنها هي لي اول حركة حياة الشعر يعني اول يعني تكلفو يحييو الشعر قلو القدماء فاللغة ديالهم والأسلوب ديالهم المضمون يعني ما بدلوا تا شي حاجة صافي? فبالتالي كان فيديو اه قصير اه شرحت فيه احياء نموذج نتمنى انني نكون فدتكم فهاد نتاظرو فيديوات جاية ان شاء الله بالتوفيق ليكم